Geografia d'Occitània

Geografia fisica

Occitània es situada sus çò que sónan un istme entre mar Grand e mar Nòstra.

Las montanhas

Tres massís o cadenas de montanhas ocúpan la màger part de la susfàcia de l'Occitània :

• las Aups que culmínan a la barra dels Escrinhs (4096 mètres), lo punt mai naut d'Occitània
• la Montanha occitana (apelada Massís central pels francés, Massís septentrional per d'unes occitans) que culmina al Puèi de la Crotz (apelat Puèi de Sanci pels francés)
• los Pirenèus que culmínan al Pic d'Anèth, que sa situacion en Occitània es controversada

Las planas e los rius

• la plana aquitana compren doas ribièras bèlas, la de la Dor (o Ador) e la de Garona que comença dins la Val d'Aran (sos afluents son Baïsa, Gèrs, Òlt, Tarn e Avairon...) e Dordonha. D'autres rius son l'èira o Lèira e Charenta ;
• del costat de la mar Nòstra, levat Ròse (e sos afluents Ardecha, Droma, Durença, Gard, Isèra), de rius mens gròs davalan e fan sas planas pichonas : Argens, Aude, Erau, Òrb, Var e d'autres ;
• cap a Bisa, una crana part de la Montanha es traversada per de rius que se van mesclar a Lèire : Alaièr, Crusa, Gartempe, Siula, Vinhana...
• en Itàlia, Pò pren sa sorga dins las Valadas, que totas an un riu que se va mesclar a Pò dins la plana.